Naiuwi sa wakas ng isang Pilipina ang kauna-unahang korona ng bansa sa Miss Globe 2015. Ang Pilipinang ito ay waling iba kundi si Ann Lorraine Colis.

     Ilang linggo ring namalagi si Colis sa Toronto, Canada upang sungkitin ang korona para sa Pilipinas.

     Nitong araw ng Biyernes (oras sa Pilipinas), natupad na nga ang dalangin ng dalaga. Siya ay kinoronahan sa nasabing pageant sa Rose Theatre Brampton, Toronto.

     Ang tagumpay ni Colis ay naka-post na sa official FB page ng Binibing Pilipinas. “We would like to congratulate Ms. Ann Lorraine Colis for clutching the Miss Globe 2015 title during the finals held at Rose Theatre Brampton in Toronto, Canada,”, nakasaad sa Binibining Pilipinas FB page.
     51 mga kandidata mula sa iba't ibang panig ng mundo ang tinalo niya sa patimpalak.

     Nagwagi naman bilang 1st runner-up si Miss Albania, 2nd runner-up si Miss Macedonia, 3rd runner-up si Miss China at 4th runner-up si Miss France.

     Noong nakaraang taon, ang pambato ng Canada na si Jacqueline Wojciechowski ang itinanghal na Miss Globe 2014.